Neyðarkall björgunarsveita er fjáröflun björgunarsveita landsins en átakið fer fram fram fyrstu helgina í nóvember ár hvert um land allt og hefur almenningur tekið sölufólki afskaplega vel.
Hagnaður af sölunni rennur til björgunarsveita og slysavarnadeilda og er hann notaður til að efla og styrkja starfið.
Í gegnum tíðina hefur almenningur haft mikinn skilning á störfum björgunarsveita enda veit fólk að þegar neyðarkall berst bregðast þær hratt við með allan sinn mannskap, búnað, tækni og þekkingu.
Sölunni á Neyðarkalli 2020 var frestað í ljósi stöðunnar í samfélaginu vegna Covid-19. Hún fer fram fram 3. til 7. febrúar 2021 og hægt er að nálgast Neyðarkall hjá sjálfboðaliðum okkar í helstu verslunarkjörnum í þínu sveitarfélagi.